Lexoje këtu nëse e ke me ngut!
Gary “Mani” Mounfield, një nga figurat më të rëndësishme të skenës muzikore të Manchesterit dhe basisti themelues i grupit ikonë The Stone Roses, ka ndërruar jetë në moshën 63-vjeçare. Lajmin e hidhur e ka bërë të ditur vëllai i tij, Greg Mounfield, i cili shkroi në Facebook se njoftimin e jepte “me zemrën më të rënduar”.
Mani ishte një prej shtyllave kryesore të Stone Roses, duke kontribuar në të dy albumet e grupit, të konsideruara sot gurë themeli të muzikës alternative britanike. Më vonë ai iu bashkua Primal Scream, duke vazhduar karrierën e tij të suksesshme muzikore.
Në vitin 2012, ai u ribashkua me Stone Roses për turneun e shumëpritur të rikthimit, i cili u prit me entuziazëm nga fansat në mbarë botën.
Mes figurave të para që shprehën ngushëllime ishte edhe këngëtari Ian Brown, i cili në një postim në X shkroi: “REST IN PEACE MANi X.”
Vdekja e Mani-t përbën një humbje të madhe për skenën rock britanike dhe për të gjithë ata që u rritën me tingujt e tij të paharrueshëm./MXH
