Lexoje këtu nëse e ke me ngut!
Këngëtarja dhe kantautorja Miley Cyrus është fejuar me të dashurin e saj prej kohësh, muzikantin Maxx Morando, raportoi Page Six të martën (2 dhjetor). Lajmi u publikua pasi çifti, që janë në lidhje prej katër vitesh, u shfaqën së bashku në tapetin e kuq të premierës së filmit të ri “Avatar: Fire and Ash” të hënën mbrëma.
Cyrus, 33 vjeçe, e cila ka këngën “Dream As One” në kolonën zanore të filmit të James Cameron, u pa me një unazë diamanti me një brez të trashë ari në gishtin e fejesës. Përfaqësuesja e saj, Francesca Consulting, i tha Page Six se “bizhuteria është punuar posaçërisht nga dizajnerja Jacquie Aiche”.
Më vonë, në rrjetin social Threads, babai i Morandos, producenti Dan Morando, e konfirmoi lajmin duke shkruar “urime!” dhe duke postuar fotografi të çiftit gjatë darkës, përfshirë edhe një imazh të unazës në gishtin e Cyrus-it.
Revista People citoi Cyrus-in të thoshte për fejesën: “Detaji që mund të ndaj është se për ne, privatësia dhe mbajtja e gjërave të vogla ka qenë diçka që më ka habitur që kam mundur ta ruaj. Tani që jam më e rritur, jam më mbrojtëse ndaj asaj çfarë dua të ndaj publikisht.”
Përfaqësues të tjerë të Cyrus nuk ishin menjëherë të disponueshëm për koment.
Cyrus më parë ka qenë e martuar me aktorin australian Liam Hemsworth nga viti 2018 deri në 2020, i njohur për rolin e tij në sagën “The Hunger Games”./mxh
