Lexoje këtu nëse e ke me ngut!
Prokuroria e Trapanit ka kërkuar dënimin me dhjetë vite burg të kampionit të peshëngritjes Antonino Pizzolato, medalist bronzi në Paris 2024, i akuzuar për dhunë seksuale të rënduar në grup. E njëjta dënim, raportojnë të përditshmet La Sicilia dhe Giornale di Sicilia, është kërkuar për tre të pandehurit e tjerë: Davide Lupo, Claudio Tutino dhe Stefano Mongiovì. Kërkesat për dënim janë ndarë edhe nga pala civile, e përfaqësuar nga avokati Nicola Pellegrino. Në qendër të procedimit janë akuzat për abuzime që do të ishin kryer në korrik të vitit 2022 në Trapani ndaj një turisteje finlandeze të njohur në një restorant së bashku me disa bashkatdhetare të saj.
Lexo më tej: Akuza e fortë e peshëngritëses për presidentin Elez Gjoza: Më ka dhunuar në zyrën e tij
Sipas prokurorëve Andrea Tarondo dhe Giulia Sbocchia, duke përfituar nga fakti që finlandezja kishte pirë, pasi dolën nga lokali dhe u ndanë nga dy shoqet e saj, të katër, në një rezidencë, do të kishin pasur me të marrëdhënie seksuale kundër vullnetit të viktimës. Dhuna do të ishte ndërprerë kur vajza, duke qarë, ka kërkuar të kthehej në hotel. Për prokuroren Giulia Sbocca “asnjë element nuk ka dalë gjatë procesit që të provojë ekzistencën e një konsensusi”. Procesi është shtyrë për në janar dhe do të rifillojë me avokatët mbrojtës.
The post Dhunë sek*uale në grup: kërkohen 10 vite burg për peshëngritësin Antonino Pizzolato appeared first on Lapsi.al.
