Lexoje këtu nëse e ke me ngut!
Një ngjarje tronditëse ka ndodhur në Zakynthos të Greqisë, ku një fëmijë shqiptar vetëm 2 vjeç ka humbur jetën pasi u sulmua për vdekje nga qeni i familjes, një pitbull.
“Vajza ime më thirri dhe unë vrapova. Kjo është e gjitha që mbaj mend… djali im i vogël iku,” rrëfeu babai i tij për televizionin “Alpha”, me zërin që i dridhej nga dhimbja.
Çifti shqiptar kishte dalë për të blerë disa furnizime dhe, sipas raportimeve, djali i vogël u afrua te pema ku ishte lidhur qeni. Kafsha e sulmoi papritur, duke i shkaktuar plagë të rënda në trup.
“Qeni ishte endacak, e morëm sepse donim t’i jepnim strehë… por ai hëngri fëmijën tim. Më pa, më buzëqeshi dhe mbylli sytë,” tregoi babai mes lotësh.
Fëmija u dërgua me urgjencë në Spitalin e Përgjithshëm të Zakynthos, por mjekët nuk arritën ta shpëtonin pavarësisht përpjekjeve të shumta.
Autoritetet greke kanë nisur hetimet për ngjarjen e rëndë, ndërsa prindërit janë marrë në pyetje për të sqaruar rrethanat e tragjedisë që ka tronditur komunitetin lokal.
The post “Më pa, buzëqeshi dhe mbylli sytë përgjithmonë”, flet babai shqiptar i 2-vjeçarit që vdiq pasi u kafshua nga qeni appeared first on GIJOTINA.
