Lexoje këtu nëse e ke me ngut!
Kryeministri Edi Rama ka firmosur një tjetër ndryshim në Qeveri.
Mësohet se Rama ka shkarkuar zv/ministrin e Brendshëm, Julian Hodaj.
Kujtojmë që po në Ministrinë e Brendshme, disa javë më parë u shkarkua një tjetër zv/ministër, Andi Mahila, me arsyetimin se u kap duke pirë cigare në ambientet e mbyllura.
Shkarkimi i Mahilës ishte vendimi i parë i marrë nga ministrja e Brendshme, Albana Koçiu pas betimit të saj në këtë detyrë.
“LIRIM NGA DETYRA
Në mbështetje të nenit 100 të Kushtetutës dhe të pikës 2, të nenit 6, të ligjit nr.9000, datë 30.1.2003, “Për organizimin dhe funksionimin e Këshillit të Ministrave”, me propozimin e Kryeministrit, Këshilli i Ministrave
V E N D O S I:
Z. Julian Hodaj, zëvendësministër i Brendshëm, lirohet nga kjo detyrë.
Ky vendim hyn në fuqi menjëherë dhe botohet në “Fletoren zyrtare””, njofton Këshilli i Ministrave.
The post Rama shkarkon zëvendësministrin e Brendshëm, Julian Hodaj appeared first on GIJOTINA.
