Çerekfinalja e Marokut kundër Kamerunit në Kupën e Kombeve të Afrikës 2025 u shënua nga performanca e jashtëzakonshme e Brahim Diaz. Mesfushori maroken, i cili kishte pasur një sezon të vështirë te Real Madrid, u shndërrua në yllin e ‘Atlas Lions’, duke shënuar golin e tij të pestë në pesë ndeshje në turne.
Në minutën e 26-të, pas një këndi të ekzekutuar nga El Kaabi, Diaz gjeti rrugën drejt portës dhe vulosi një moment të paharrueshëm për fansat marokenë në stadiumin Prince Moulay Abdellah. Ky gol e bëri atë lojtari i parë në histori që shënon në pesë ndeshjet e tij të para në finalet e Kupës së Kombeve të Afrikës dhe vetëm lojtari i dytë që shënon ndaj pesë kombeve të ndryshme në një edicion, pas Gedo të Egjiptit në 2010.
Me gola kundër Komoreve, Malit, Zambias, Tanzanisë dhe Kamerunit, Brahim Diaz po shkruan një kapitull historik në futbollin afrikan dhe po konsolidohet si kandidat kryesor për titullin MVP të turneut.
The post Brahim Diaz shkëlqen në Kupën e Kombeve të Afrikës 2025, thyen rekorde historike appeared first on Euronews Albania.
