Një ngjarje e rëndë ka ndodhur pasditen e së hënës, më 26 janar, në Milano, ku një 20-vjeçar humbi jetën si pasojë e të shtënave me armë zjarri.
Rrethanat e sakta të incidentit mbeten ende të paqarta ndërsa sipas informacioneve paraprake, autori i të shtënave ishte një oficer policie, ndërsa viktima thuhet se mbante një armë.
Telefonata emergjente 112 raportohet të ketë ardhur pak minuta para orës 18:00, duke njoftuar për një të shtënë në Via Giuseppe Impastato, pranë numrit 7, jo larg stacionit të metrosë San Donato. Agjencia rajonale e emergjencave dërgoi një makinë mjekësore dhe dy ambulanca në vendngjarje, por për 20-vjeçarin nuk mund të bëhej asgjë.
Lidhja shpërndau një deklaratë në mbështetje të policisë: “Solidaritet me gratë dhe burrat në uniformë që mbrojnë qytetarët çdo ditë. Shpresa jonë është që, në dritën e ngjarjes së fundit në Milano, asnjë oficer të mos jetë objekt i shënjestrave të padrejta. Ne riafirmojmë nevojën për paketën e sigurisë, për të mbështetur punën e policisë në mbrojtjen e qytetarëve.”
Edhe Ministri i Turizmit Matteo Salvini reagoi me një deklaratë të shkurtër: “Unë qëndroj pranë policit, pa ‘nëse’, ‘dhe’ apo ‘por’.”
Ngjarja ka tronditur komunitetin lokal dhe po hetohet nga autoritetet për të sqaruar të gjitha rrethanat.
The post Të shtëna me armë zjarri në Milano, polici vret një 20-vjeçar appeared first on Euronews Albania.
