Faza e ligës në Champions League u mbyll të mërkurën, duke konfirmuar 8 skuadrat që kalojnë direkt në 1/8-tat dhe ekipet e renditura nga vendi i 9-të deri në të 24-tin, të cilat do të përballen në raundin e play-off. Të premten, më 30 janar 2026, në Nyon të Zvicrës, do të hidhet shorti për të përcaktuar rivalët e secilit ekip, duke nisur nga ora 12:00.
Skuadrat më të mira jashtë tetëshes shortohen kundër atyre me renditje më të ulët. Për shembull, Real Madrid (9) dhe Inter (10) mund të përballen me një ndër skuadrat Benfica (24) ose Bodo/Glimt (23). Kjo do të thotë se José Mourinho, trajneri i Benficës, mund të përballet me një nga ekipet që njeh mirë, si Real Madrid ose Inter, ku ka fituar më parë shumë takime. Ndërkohë, Atalanta dhe Leverkusen mund të përballen me Dortmund ose Olympiacos. Ekipet nga i njëjti shtet ose që janë takuar më parë në fazën e ligës mund të përballen edhe në këtë fazë.
Raundi i play-off do të zhvillohet me dy ndeshje: ndeshjet e para më 17-18 shkurt dhe kthimi më 24-25 shkurt. Fituesit do të kualifikohen për në 1/8-tat, ku tashmë janë konfirmuar: Arsenal, Bayern Munich, Liverpool, Tottenham, Barcelona, Chelsea, Sporting Lisbone dhe Manchester City.
Verdiktet
Kaluan direkt në 1/8-tat: Arsenal, Bayern Munich, Liverpool, Tottenham, Barcelona, Chelsea, Sporting Lisbone, Manchester City
Play-off: Real Madrid, Inter, PSG, Newcastle, Juventus, Atletico Madrid, Atalanta, Leverkusen, Dortmund, Olympiacos, Club Brugge, Galatasaray, Monaco, Qarabag, Bodo/Glimt, Benfica
Eliminuar: Marseille, Pafos, Union Saint-Giroise, PSV, Athletic Bilbao, Napoli, FC Copenhagen, Ajax, Frankfurt, Slavia e Pragës, Villarreal, Kairat Almaty
Shorti i së premtes do të përcaktojë rrugën drejt finales së Budapestit dhe rivalët e secilit ekip në fazën vendimtare të play-off.
The post Shorti i play-off, Benfica e Mourinhos rrezikon një duel tjetër me Real Madrid ose Inter appeared first on Euronews Albania.
