Dani Carvajal, 34 vjeç dhe ish-kapiten i Real Madridit, nuk është përdorur nga trajneri i ri Alvaro Arbeloa, edhe pse ka rikuperuar plotësisht nga dëmtimi. Në ndeshjen e fundit kundër Valencias, Carvajal qëndroi i vetëm në stol, ndërkohë që David Jimenez u aktivizua titullar dhe Alexander-Arnold hyri në minutën e 76-të.
Dyshimet rreth mosaktivizimit lidhen me kontratën që skadon në qershor, ndërsa klubi duket i vendosur që ikona e skuadrës të përfundojë karrierën me Madridin pa shumë bujë. Carvajal, një nga lojtarët më të shquar të ekipit, ka fituar gjashtë tituj të Ligës së Kampionëve dhe do të luajë në Kupën e Botës me kombëtaren spanjolle.
Tani duket se epoka e lojtarëve ikonë në “merengues” po mbyllet.
The post Carvajal mbetet në stol te Real Madrid, dyshime mbi të ardhmen e kapitenit ikonik appeared first on Euronews Albania.
