Departamenti amerikan i Shteti ka publikuar këtë të martë urimin e sekretarit të shtetit, Marco Rubio për Pavarësinë e Kosovës. Rubio shprehet se SHBA mbetet e palëkundur në mbështetjen e sovranitetit dhe integritetit territorial të Kosovës.
Ai ndër të tjera theksoi se pret një bashkëpunim edhe më të fortë në vitet në vijim mes SHBA-së dhe Kosovës.
“Në emër të Shteteve të Bashkuara të Amerikës, i shpreh urimet e mia popullit të Republikës së Kosovës me rastin e Ditës së Pavarësisë.
Shtetet e Bashkuara mbeten të palëkundura në mbështetjen e tyre për sovranitetin dhe integritetin territorial të Kosovës, dhe ne mezi presim të zgjerojmë lidhjet ekonomike që do të rrisin prosperitetin e të dy kombeve tona.
Ne e vlerësojmë mbështetjen e Kosovës për përpjekjet e SHBA-së për t’u përballur me sfidat globale dhe mirëpresim udhëheqjen e saj si Anëtar Themelues i Bordit të Paqes.
Ndërsa Kosova shënon këtë përvjetor të rëndësishëm, ne presim një bashkëpunim edhe më të fortë në vitet në vijim. Shtetet e Bashkuara qëndrojnë me Kosovën ndërsa ajo vazhdon të ndërtojë një të ardhme të sigurt dhe të begatë”, thuhet në urimin e Rubios.
The post 18 vite shtet, Rubio: SHBA e palëkundur në mbështetjen e sovranitetit dhe integritetit territorial të Kosovës appeared first on Euronews Albania.
