Detaje të reja vijnë nga ngjarje tragjike që ndodhi disa ditë më parë në Montecalvoli, një provincë pranë Pizës, ku 25-vjeçari shqiptar Kevin Muharremi u qëllua për vdekje nga një bashkëkombas. Natën e së shtunës, pas një sherri të shkurtër në një pub në Montopoli, tensionet u rritën dhe disa orë më vonë, në rrugën “Via della Repubblica”, ky dyshohet se shqiptari Renato Xyke, 20 vjeç, qëlloi me armë drejt makinës ku ndodhej Muharremi, i cili humbi jetën si pasojë e plagëve të marra tij nga të paktën tre nga pesë të shtënat.
Hetimet janë në zhvillim nga Prokuroria e Pizës për të zbardhur rrethanat e plota të ngjarjes dhe për të identifikuar motivet. Gjykata konfirmoi arrestimin e Renato Xyke, i cili aktualisht përballet me akuza për vrasje me dashje. Një mik i autorit, që ishte në makinë gjatë të shtënave, është marrë nën hetim ndërsa ka dëshmuar se nuk ishte i vetëdijshëm për armën që mbante Xyke, një Beretta gjysmë-automatike kalibri 7.65, e cila u sekuestrua më vonë pranë shtëpisë së të arrestuarit.
Ngjarja ka tërhequr vëmendje të madhe në median lokale dhe kombëtare, duke nxjerrë në pah tensionet mes të rinjve dhe rreziqet e përplasjeve që mund të eskalojnë deri në dhunë fatale. Për momentin, vrasësi i dyshuar mbetet në burg dhe autoritetet po vijojnë hetimet për të dokumentuar plotësisht ngjarjen, duke përfshirë analizimin e kamerave të sigurisë, intervistimin e dëshmitarëve dhe verifikimin e të dhënave telefonike.
Renato Xike dhe Kevin Muharremi
The post Vrasja e shqiptarit Kevin Muharremi në Itali, merret nën hetim edhe miku i autorit të dyshuar appeared first on Euronews Albania.
