Organizatat e dala nga Lufta (OVL-UÇK) dënuan sot ekspozitën për masakrat e luftës së fundit në Kosovë, duke e konsideruar atë si një përpjekje për të shtrembëruar historinë e luftës së fundit.
Kjo organizatë paralajmëron protestë për nesër, 30 mars në Prishtinë.
Gazmend Syla nënkryetar i OVL-UÇK, theksoi se ekspozita është e mbushur me shpifje dhe e financuar me paratë e qytetarëve, duke theksuar se ajo përdhos të vërtetën e luftës dhe sakrificën e viktimave dhe dëshmorëve.
Në një konferencë për media, Syla njoftoi gjithashtu se OVL-UÇK do të organizojë një protestë të hënën në ora 13:00 para Kuvendit të Kosovës.
Pas reagimeve të shumta, sot organizatorët e ekspozitës, së shfaqur së fundmi në Prishtinë: “Masakrat në Kosovë 1998-1999”, Integra dhe Admovere u kanë kërkuar falje familjarëve të viktimave civile të luftës.
The post OVL-UÇK kundër ekspozitës për masakrat, paralajmëron protestë appeared first on Euronews Albania.
