Tensionet te Real Madridi vazhdojnë të rriten, me Kylian Mbappen sërish në qendër të debatit. Pas komenteve të tij kontraverse që dyshohet se kanë synuar Alvaro Arbeloan në zonën e përzier, sulmuesi francez pritet të takohet së shpejti me Florentino Perezin, i cili duket veçanërisht i shqetësuar nga qëndrimi i tij publik dhe tensioni i përgjithshëm në dhomën e zhveshjes.
Atmosfera u përkeqësua më tej nga tensioni i brendshëm midis Aurelien Choumany dhe Federico Valverde, humbja e rëndë në El Clasico kundër Barcelonës 0-2, si dhe deklaratat e ashpra të presidentit të Realit për shtypin spanjoll. Në këtë mjedis, Mbappe zgjodhi të fliste publikisht pas ndeshjes kundër Oviedo, duke iu referuar edhe çështjeve që kishin të bënin me rolin e tij në ekip.
Konkretisht, ai kishte deklaruar: “Trajneri më tha se unë jam opsioni i katërt në sulm. Nuk ka problem me trajnerin, por duhet të pranosh vendimet. Duhet të punoj për të qenë më i mirë se Vini, Mastaduono dhe Gonzalo”. Këto deklarata, si dhe përballja e mëvonshme me Arbeloan, thuhet se kanë përshkallëzuar tensionet e brendshme.
Sipas Footmercato dhe botimeve të tjera spanjolle , Real Madridi është aktivizuar tashmë, me Florentino Perezin që ka caktuar një takim me yllin francez për të sqaruar të gjitha problemet që kanë lindur në dhomat e zhveshjes në muajt e fundit. Qëllimi i administratës është të përcaktojë gjendjen psikologjike të lojtarit, si dhe qëllimet e tij për sezonin e ardhshëm.
Fillimisht, takimi ishte planifikuar si një bisedë për dekompresion, por zhvillimet e fundit pas ndeshjes me Oviedon dhe përballja publike me Arbeloan e bënë atë urgjente. Trajneri iu përgjigj kritikave duke deklaruar se “nëse nuk e fus unë në fushë, ai nuk mund të luajë. Unë vendos, unë jam trajneri”, duke shtuar se kishte pasur një diskutim me lojtarin.
Brenda klubit ka shqetësime në lidhje me kohezionin e ekipit, pasi besohet se mungon një hierarki e qartë që do të siguronte ekuilibrin në dhomën e zhveshjes. Në të njëjtën kohë, disa nga sjelljet e Mbappes kanë shkaktuar shqetësim, me disa nga shokët e tij të ekipit që kanë vështirësi ta kuptojnë qëndrimin e tij.
Pavarësisht tensioneve, Real Madridi ende e konsideron fituesin e Topit të Artë një pjesë kyçe të planit të tyre të lojës. Megjithatë, mesazhi nga bordi mbetet i qartë: asnjë lojtar nuk është mbi klubin, siç ka ndodhur në të kaluarën me raste të tilla si Cristiano Ronaldo dhe Sergio Ramos. Për këtë arsye, takimi konsiderohet i nevojshëm për të rivendosur qetësinë përpara sezonit të ri.
The post A po vendoset e ardhmja e Mbappes? Takim i jashtëzakonshëm me Florentino Perezit appeared first on Euronews Albania.
