Ish-kryetari i Prishtinës, Shpend Ahmeti këtë të premte është shpallur fajtor lidhur me akuzën për mosdeklarimin e 172 mijë e 600 eurove. Gjykata Themelore në Prishtinë e ka dënuar Ahmetin me dy vite burgim dhe 5 mije euro gjobë.
Ahmeti akuzohet se nuk ka deklaruar 54 mijë e 400 euro të pranuara nga llogaritë personale të nënës së tij dhe 118 mijë euro të tij. Sipas Prokurorisë shuma e përgjithshme e mjeteve të padeklaruara arrin vlerën prej 172 mijë e 600 0 euro.
Shpallja e këtij aktgjykimi u bë të premtën nga gjyqtari Leon Përlaska. Sipas Gjykatës, dënimi me 2 vite burg, do të ekzekutohet pas hyrjes në fuqi të këtij aktgjykimi, ndërsa dënimi me gjobë duhet të paguhet në afat prej 3 muajsh.
Në rast se i pandehuri nuk dëshiron apo nuk mund ta paguajë dënim me gjobë, Gjykata mund të ia zëvendësojë dënimin me gjobë, me dënim me burgim. Një ditë burgim do të llogaritet si 20 euro gjobë.
The post Gjykata Themelore dënon me 2 vite burg dhe 5 mijë euro gjobë ish-kryetarin e Prishtinës, Shpend Ahmeti appeared first on Euronews Albania.
