Ish-trajneri i Real Madridit, Zinedine Zidane, është konfirmuar si trajneri i ri i kombëtares së Francës.
Didier Deschamps, trajneri më jetëgjatë i Francës, i dha fund drejtimit 14-vjeçar të ekipit pas eliminimit të kombëtares në gjysmëfinalet e Kupës së Botës 2026 nga Spanja.
Zidane, fitues i Kupës së Botës me Francën në vitin 1998, ka qenë jashtë detyrës si trajner që prej largimit të tij të dytë nga Real Madridi në vitin 2021.
54-vjeçari, i konsideruar gjerësisht si lojtari më i madh në historinë e Francës, do të nënshkruajë një kontratë që do ta mbajë në drejtimin e kombëtares deri në Kupën e Botës 2030.
Pas emërimit, ai tha se ishte krenar të drejtonte kombëtaren franceze pas përfundimit të saj në vendin e katërt në Kupën e Botës.
“E kam thënë shpesh: nuk ka asgjë më të madhe se kombëtarja franceze. Prandaj është një gëzim dhe, padyshim, një krenari e madhe të bëhem trajner i kësaj kombëtareje,” shtoi ai.
“Është gjithashtu një përgjegjësi. Dua të falënderoj presidentin e Federatës Franceze të Futbollit, Philippe Diallo, komitetin ekzekutiv dhe Federatën Franceze të Futbollit për besimin e tyre, si dhe të vlerësoj 14 vitet e punës së Didierit dhe stafit të tij. Sot kam gjithashtu një mendim të veçantë për të gjithë trajnerët e mi. Pa dyshim, kam ambicie të mëdha për kombëtaren francize”, vijoi më tej ai.
The post Zinedine Zidane konfirmohet si trajneri i ri i kombëtares së Francës appeared first on Euronews Albania.
