Një aksident i rëndë është shënuar këtë të enjte, rreth orës 09:30, në komunën Juvisy në Francë, ku një autobus ka përfunduar në lumin Sena.
Sipas mediave franceze, në momentin e incidentit në mjet ndodheshin katër persona. Drejtuesi i autobusit, i dyshuar si një shofer në trajnim, thuhet se ka bërë një gabim në manovrim, çka ka bërë që autobusi të dalë nga rruga dhe të përfundojë në ujë.
Në ngjarje është përfshirë gjithashtu edhe një automjet i parkuar, i cili është goditur dhe tërhequr nga lëvizja e autobusit para se mjeti të përfundonte në lumë.
Të katër personat brenda mjetit janë shpëtuar në kohë dhe nuk raportohet për viktima. Sipas raportimeve fillestare, kalimtarët e rastit kanë qenë të parët që kanë ndërhyrë për t’u ardhur në ndihmë të aksidentuarve.
Në vendngjarje janë angazhuar njësitë e zjarrfikësve dhe brigada lumore, ndërsa dy mjete lundruese po patrullojnë zonën për të garantuar që nuk ka persona të tjerë të rrezikuar.
Fillimisht mediat raportuan se autobusi kishte rënë nga një urë, por më vonë fotot e publikuara kanë treguar se ai ka dalë nga rruga dhe ka përfunduar drejtpërdrejt në lumë, duke u zhytur pothuajse plotësisht në ujë.
Kryetarja e bashkisë së Juvisy-t, Lamia Bensarsa Reda, e ka cilësuar ngjarjen si “tronditëse”, duke shprehur shqetësimin për aksidentin.
Ce jeudi vers 9h30, un bus est tombé dans la Seine au niveau de la commune de Juvisy (91). La personne au volant, qui serait un conducteur en formation, aurait commis une erreur de manipulation et 4 personnes se trouvaient à l’intérieur. Elles ont été secourues. pic.twitter.com/gVICDwLnIV
— Franceat média (@Franceatpresso2) April 30, 2026
The post PAMJE/ Aksident në Francë, autobusi dhe një makinë përfundojnë në lumin Sena appeared first on Euronews Albania.
