Dhjetëra mijëra qytetarë kanë dalë në protesta në Beograd, duke kërkuar zgjedhje të parakohshme dhe largimin e presidentit Aleksandar Vuçiç pas më shumë se një dekade në pushtet.
Protestat janë shoqëruar me përplasje mes demonstruesve dhe policisë, e cila ka përdorur gaz lotsjellës dhe granata shokuese pranë godinës së presidencës dhe bashkisë së qytetit.
Sipas autoriteteve serbe, 23 persona janë arrestuar dhe disa efektivë policie kanë mbetur të plagosur gjatë përleshjeve. Protestuesit mbanin simbole me “duar të kuqe” dhe slogane kundër korrupsionit dhe qeverisë.
Lëvizja protestuese në Serbi ka nisur pas tragjedisë në stacionin hekurudhor të Novi Sad në nëntor 2024, ku shembja e një tende shkaktoi viktima dhe solli akuza për keqmenaxhim institucional.
Opozita dhe grupet për të drejtat e njeriut e kanë cilësuar ngjarjen si simbol të korrupsionit në vend, ndërsa presidenti Vučić dhe qeveria i kanë mohuar akuzat.
The post Protesta masive në Beograd, qytetarët kërkojnë largimin e Vuçiç appeared first on Euronews Albania.
