Lexoje këtu nëse e ke me ngut!
Ermal Hoxha, nipi i ish-diktatorit Enver Hoxha, është paraqitur në SPAK mesditën e së hënës (6 Janar).
Prokuroria e Posaçme nuk ka dhënë detaje rreth arsyes së thirrjes së Ermal Hoxhës.
Kujtojmë që nipi i ish-diktatorit ka qenë i dënuar për laboratorin e drogës në Xibrakë, dosje e cila është hapur pas një denoncimi të kreut të Grupit të PD-së, Gazment Bardhi, i cili pretendon se i përfshirë në këtë dosje është edhe Olsi Rama, vëllai i kryeministrit Edi Rama.
Ermal Hoxha u dënua nga Gjykata e Krimeve të Rënda në korrik të 2017 me 10 vite burgim, por përfitoi nga gjykimi i shkurtuar dhe dënimi iu ul në 6.8 vite.
Ai u lirua nga burgu rreth një vit më vonë, më 13 Shtator 2018, me liri parakohe me kusht nga gjyqtari i Gjykatës së Fierit, Piro Sota.
The post Nipi i ish-diktatorit i dënuar për laboratorin e drogës, Ermal Hoxha paraqitet në SPAK appeared first on GIJOTINA.
