Ekspertët e BE-së janë tashmë në Ukrainë për të vlerësuar statusin e tubacionit të naftës Druzhba, sipas kompanisë shtetërore të energjisë Naftogaz.
Drejtori ekzekutiv i Naftogaz, Serhiy Koretskyi ndau një foto në X, duke e përshkruar atë si një takim meanëtarët e një grupi teknik pune.
“Së bashku me zëvendësambasadorin e BE-së Gediminas Navickas, u takuam me një grup pune teknik”, shkroi Koretskyi, duke mos dhënë detaje të mëtejshme rreth takimit.
Ai tha se puna e grupit duhet të ndihmojë Naftogaz dhe degën e saj Ukrtransnafta të rivendosin tubacionin në përputhje me standardet më të larta evropiane të inxhinierisë dhe sigurisë dhe për të parandaluar sulme të mëtejshme terroriste.
Ministria e Jashtme e Ukrainës të mërkurën tha se Kievi nuk kishte informacion në lidhje me një mision të BE-së të ngarkuar me inspektimin e tubacionit të dëmtuar Druzhba në Ukrainë.
Zëdhënësi i ministrisë, Heorhii Tykhyi, tha se nuk ishte në dijeni të ndonjë date apo udhëtimi specifik të dakordësuar.
The post Ekspertët e BE-së në Ukrainë për të kontrolluar tubacionin Druzhba appeared first on Euronews Albania.
