Lexoje këtu nëse e ke me ngut!
Tensione jashtë dhe brenda Parlamentit. Deputetët e opozitës, të cilët nuk janë të përjashtuar kanë protestuar në Kuvend, ndërsa foltorja është rrethuar nga Garda.
Ndërkohë deputetët e përjashtuar nga Kuvendi janë përplasur me Gardën jashtë ambienteve të godinës.
Pak pasi nisën fjalën ministrat, deputetët e opozitës të cilët u ndodhen në sallë, i janë afruar foltores dhe nuk kanë lejuar që të vijohet fjala.
Menjëherë më pas ka ndërhyrë Grada, e cila është bërë “gardh” para foltores.
Ndërkohë momente tensioni ka edhe para Kuvendit, ku deputetët e përjashtuar të Partisë Demokratike kërkojnë të hyjnë në seancë por u ndaluan nga garda.
“Hape! Hape! T’ju vijë turp! Ku jemi këtu në Kore të Veriut! E keni kthyer në diktaturë. Mos u përdorni nga Edi Rama”, tha Asllan Gjoni.
Flamur Noka tha në një prononcim për mediat se nuk i përjashton dot ‘narkosi’ por vetëm vota e qytetarëve.
“Çdo kuvend ka mision, të përcjellë zërin e zgjedhësve dhe ne atë detyrë kemi. Na përjashton vetëm populli e vota, s’na përjashton dot askush pavarësisht dëshirave të narkos apo 5 mln eurove të doganave;, u shpreh ai
Deputetët e përjashtuar të PD-së, të cilët nuk u lejuan të futen brenda në Kuvend, janë ulur këmbëkryq në oborr.
Nga ana tjetër deputetët e PD-së që ishin brenda sallës kanë nxjerrë karriget jashtë Parlamentit.
Ata kanë rreshtuar karriget në oborr, ndërsa ende nuk dihet skenari i tyre. Kujtojmë që në një nga seancat parlamentare, ligjëvënësit demokratë u vendosën flakën karrigeve në hyrje të Kuvendit.
The post Tensione në parlament, ‘të përjashtuarit’ ulen këmbëkryq në oborr appeared first on GIJOTINA.
