Lexoje këtu nëse e ke me ngut!
Një 32-vjeçar është arrestuar në flagrancë në kuadër të operacionit policor të koduar “Aksi”.
Ky shtetas u kap në aksin “Bilisht -Korçë”, duke transportuar me automjetin e tij 4 qese me kanabis, 3 kilogramë.
Lëndën narkotike, 32-vjeçari, Skerdiljan Spahi e kishte fshehur në pjesën e motorrit të automjetit.
Njoftimi i policisë
Finalizohet operacioni policor antidrogë i koduar “Aksi”, për goditjen e veprimtarisë kriminale në fushën e narkotikëve.
Kishte fshehur në motorrin e automjetit katër qese me lëndë narkotike dhe e transportonte për në Korçë me qëllim shitjen, kapet në flagracë dhe vihet në pranga një 32-vjeçar.
Seksioni për Hetimin e Narkotikëve i DVP Korçë, në vijim të punës për goditjen e veprimtarisë kriminale në fushën e narkotikëve në kuadër të operacionit të koduar “Aksi”, kapën dhe arrestuan në flagrancë shtetasin S. S., 32 vjeç, banues në fshatin Cangonj.
Ky shtetas u kap në aksin “Bilisht -Korçë”, duke transportuar me automjetin e tij 4 qese me kanabis (3 kilogramë) të cilat i kishte fshehur në pjesën e motorrit të automjetit.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
The post Po transportonte 4 qese me kanabis, pranga 32-vjeçarit në Korçë (Emri) appeared first on GIJOTINA.
