Lexoje këtu nëse e ke me ngut!
Lajmi se Mijailo Mudryk rezultoi pozitiv në një test antidoping të kryer në tetor, ra si bombë në Angli.
Megjithëse substanca e gjetur në analizë nuk ishte zbuluar fillimisht, gazeta ‘The Telegraph’ garanton se ishte ‘meldonium’, një produkt i gjetur në një ilaç me origjinë sovjetike, i cili ka ‘kompromentuar’ edhe ish-tenisten ruse Maria Sharapova, në vitin 2016.
Ky ilaç u krijua në vitet 1970 në Letoni për të trajtuar sëmundjet e zemrës dhe është zgjeruar në Evropën Perëndimore, ku mund të blihet pa recetë. I përdorur nga sportistët, ai rrit rezistencën dhe ndihmon në rikuperimin fizik.
Në vitin 2014, substanca u gjet në urinën e qindra atletëve, dhe për këtë arsye dy vjet më vonë ‘meldonium’ u përfshi në listën e produkteve të ndaluara të Agjencisë Botërore Anti-Doping.
Pak muaj më vonë, Maria Sharapova u akuzua se kishte marrë ‘meldonium’ dhe u pezullua për dy vjet nga Federata Ndërkombëtare e Tenisit.
Mesfushori ukrainas i Chelseat, i cili pretendon se është i pafajshëm, pret rezultatet e kundër-analizës. Ai përballet me një pezullim deri në katër vjet.
The post Lojtari i Chelseat “akuzon” substancën sovjetike, atë që ka ‘kompromentuar’ edhe ish-tenisten Sharapova… appeared first on www.lexo.al.
