Lexoje këtu nëse e ke me ngut!
Sekretari i Përgjithshëm i Partisë së Lirisë Tedi Blushi, ka publikuar dokumentin ku tregon se Luiza Gega e cila mban gradën Kolonele, ka shkelur rëndë ligjin duke dalë në protestën e së mërkurës në SPAK, në mbështetje të Erion Veliaj.
Veprimi i saj thotë Blushi, tregon që Gega ‘e ka bërë zgjedhjen e saj dhe për të betimi tek zyra e Erion Veliajt është më i shenjtë dhe shumë më i rëndësishëm se sa betimi për Flamurin Kombëtar, të larë me gjakun e Dëshmorëve dhe ushtarakëve patriotë’.
Postimi në FB:
Kolonelja Luiza Gega, me pjesëmarrjen dhe qëndrimin e saj publik në protestën e organizuar në mbështetje të Kryehajdutit të Tiranës, Erion Veliaj, ndaj të cilit është vendosur masa e arrestit me burg, ka shkelur hapur “Ligjin për disiplinën ushtarake”, që ia ndalon rreptësisht të jetë e angazhuar në grumbullime politike dhe në përkrahje publike të një anëtari partie.
Për çdo ushtarak ligji është i qartë!
Shtabi i Përgjithshëm i FA të respektojë ligjin dhe të reagojë ndaj kësaj paligjshmërie skandaloze dhe të konsumuar botërisht!
Kampionët e sportit janë të lirë të mbështesin çdo parti, madje edhe të flenë poshtë dritares së qelisë së Erion Veliaj e të brohorasin për megavjedhjet e tij, por nuk mund të jenë më pjesë e Forcave të Armatosura të Republikës së Shqipërisë.
Është e qartë se Kolonele Luiza Gega e ka bërë zgjedhjen e saj dhe për të betimi tek zyra e Erion Veliajt është më i shenjtë dhe shumë më i rëndësishëm se sa betimi për Flamurin Kombëtar, të larë me gjakun e Dëshmorëve dhe ushtarakëve patriotë.
The post Protestoi kundra burgosjes së Veliajt, reagon Blushi: Luiza Gega shkeli ligjin si ushtarake appeared first on GIJOTINA.
