Lexoje këtu nëse e ke me ngut!
Newcastle dhe Brighton dhuruan një ndeshje me plot emocione, e luajtur në “St. James’ Park”, e vleshme për FA Cup. Vendasit kaluan të parët në avantazh falë të zakonshmit Alexander Isak, i cili u tregua i saktë nga pika e bardhë e penalltisë në minutën e 22-të. Miqtë barazojnë shifrat me Minteh në fund të pjesës së parë.
“Drama e vërtetë” ndodhi në minutat e fundit të pjesës së dytë. Në minutën e 83′, Newcastle mbetet me 10 lojtarë, pas ndëshkimit direkt me karton të kuq të Anthony Gordon për sjellje jo sportive pasi goditi kundërshtarin e tij.
Në minutën e 86-të vjen lajmi tjetër i keq për Newcastle, dëmtohet Isak dhe lë fushën e lojës. Në 91′, Lamptey merr kartonin e dytë të verdhë dhë largohet nga fusha.
Në 93′, Fabian Schar dërgon topin me kokë në rrjetë gjatë goditjes së dënimit, por festa e madhe e “Qymyrxhinjve” prishet nga ndërhyrja e VAR. Goli cilësohet i parregullt, për pozicion jashtë loje të Schar. Koha e rregullt përfundon 1-1, ndeshja shkon në kohën shtesë prej 30 minutash.
Në minutën e 114-të, Brighton gjen golin e avantazhit me Danny Welbeck. Anglezi shënon pas një super asisti të March. Në minutat e mbetura, Newcastle tentoi të barazonte shifrat por nuk ia doli. Brighton pret biletën për në çerekfinalen e FA Cup.
The post “Dramë e vërtetë” në “St. James’ Park”, Newcastle nuk ia del dot! Brighton shkon në çerekfinale appeared first on GIJOTINA.
