Lexoje këtu nëse e ke me ngut!
Papritur, pas shumë qetësie të dukshme, merkatoja e Juventus po ndizet gjashtë ditë nga gongu final i sesionit veror (1 shtator). Në një plan loje të karakterizuar nga shumë situata të ngrira, nuk mund të ishte veçse një faktor i jashtëm ai që solli ajër të ri në shtëpinë bardhezi, duke ndikuar në tratativat e ndryshme. Me Randal Kolo Muani dhe Edon Zhegrovën që mbeten në pritje të një rinisjeje dhe një sulmi nga Zonja e Vjetër, oferta zyrtare e Nottingham Forest për Nicolò Savona ka hapur një skenar të ri mbi të cilin tani po arsyeton drejtori i përgjithshëm Damien Comolli.
Anglezët kanë trokitur zyrtarisht në derën juventine me një ofertë pak mbi 10 milionë euro, shifër e konsideruar e pamjaftueshme nga bardhezinjtë. Savona gjithmonë ka dashur të qëndrojë në Torino, në klubin ku është rritur, por për të lexuar mirë situatën duhet konsideruar që mund të jetë vetë shoqëria ajo që shtyn për një shitje që mund të zhbllokojë operacionet në hyrje. Zonja e Vjetër e vlerëson mbrojtësin pak më pak se 20 milionë euro, por ndoshta me përqindjen tashmë të paevitueshme mbi rishitjen, palët mund të gjejnë një marrëveshje. Nga ana e lojtarit, pas gjithçkaje, nuk është edhe aq keq ideja për të zbarkuar në Premier League në një klub që do të marrë pjesë në Europa League dhe me një pagë të rritur ndjeshëm. Ndoshta me keqardhje, por do të ishte sidoqoftë një hap përpara në karrierën e tij ende të re.
Juve-Kolo Muani, nyjet e tratativës
Tani Igor Tudor ka shtatë qendërmbrojtës për tre vende në mbrojtje (duke përfshirë Juan Cabal), dhe pra shitja e Savona nuk do të krijonte asnjë boshllëk. Maksimumi, mund të linte në ambientin bardhezi frikën e një të riu tjetër – për më tepër italian – gati për të shpërthyer diku tjetër. Për të zgjidhur nyjën Kolo Muani, Juventus megjithatë mund të jetë gati të marrë rrezikun. Tudor vazhdon ta dojë francezin dhe në orët e ardhshme drejtuesit e klubit do të vendosin nëse dhe sa të rinisin ofertën për qendërsulmuesin. Deri tani bardhezinjtë kishin parashikuar një investim prej 45-50 milionë eurosh mes 10 të huazimit me pagesë dhe detyrimit të blerjes së kushtëzuar.
Lexo më tej: Juventus nuk heq dorë nga Kolo Muani dhe rrit ofertën: 60 milionë për PSG
Kuota e menduar deri tani do të mbulohej përafërsisht nga shitja e Douglas Luiz pikërisht te Nottingham Forest dhe do të ishte tashmë një përpjekje e madhe: sigurisht që nga Torino nuk do t’i binden kërkesës prej 70 milionësh të javëve të fundit, por një hap më shumë mund të rezultojë vendimtar. Për parisienët Kolo Muani është një tepricë dhe me merkaton që po mbyllet do të ishte një problem nëse do të mbetej në kryeqytet. Juventus shpreson.
Juve, objektivi Zhegrova
Në shtëpinë bardhezi, megjithatë, Randal nuk është i vetmi përforcim i dëshiruar, sepse emri tjetër i fortë mbetet ai i Zhegrovës. Fantazisti i Lille është në skadencë kontrate dhe ka pritur pozitivisht joshjen e Zonjës së Vjetër. Shifra që Juventus dëshiron të arkëtojë nga Savona afrohet me atë që synon të shpenzojë për kosovarin, pra edhe në këtë rast – pavarësisht konkurrencës së vrullshme të Olympique Marseille – tryeza e tratativave mund të zhbllokohet me një dalje. Më pas në radhë për momentin është Nahuel Molina i Atletico Madrid, të paktën për çështje prioriteti, dhe nga Colchoneros pritet një rinisje për Nico Gonzalez. Ka sondazhe të reja për Fabio Miretti i cili megjithatë tashmë ka vendosur të qëndrojë në Torino dhe një ide MLS për Weston McKennie, i cili për tani nuk e ka konsideruar një rikthim në Shtetet e Bashkuara.
Like” për Yildiz dhe pasaporta shqiptare
Juventus këmbëngul për Edon Zhegrovën dhe anësori kosovar nuk humbet shpresat për të arritur ish-shokun e tij Jonathan David në Torino. E dhëna e fundit vjen nga rrjetet sociale: Zhegrova i ka bërë “like” një postimi të Kenan Yildiz pas suksesit kundër Parmës. Fantazisti i Lille, me kontratën që i skadon për më pak se një vit (qershor 2026), ka qenë edhe më i qartë me klubin e tij: kontaktet vazhdojnë dhe një marrëveshje në minutën e fundit është ende e mundur.
Sidoqoftë detaji më i rëndësishëm vjen nga Shqipëria, me pajisjen me pasaportë shqiptare të Zhegrovës. Tani Juventus mund të firmosë me 26 vjeçarin pa zënë vendet e futbollistëve që janë jashtë BE-së, duke qenë se nga 28 marsi 2024, futbollistët shqiptarë nuk konsiderohen më lojtarë ekstrakomunitarë në Serie A.
The post Juventus, nga Savona milionat për Kolo Muani: pasaporta shqiptare afron Zhegrovën appeared first on Lapsi.al.
