Lexoje këtu nëse e ke me ngut!
Një 49-vjeçar ka mbetur i plagosur pas shpërthimit të një granate dore
Ngjarja është regjistruar sot në fshatin Gështenjas, teksa ishte duke punuar tokën me një mjet bujqësor.
Gentian Yzellari ndodhet në spitalin e Pogradecit, fatmirësisht jashtë rrezikut për jetën. Sipas informacioneve i lënduari i cili ka marrë dëmtime në fytyrë dhe pjesë të tjera të trupit mund të transportohet në Tiranë për mjekim të specializuar.
Aktualisht në vendngjarje ndodhet grupi hetimor për kryerjen e veprimeve për zbardhjen e ngjarjes. Dyshohet se granata i përket periudhës së luftës.
“Sot, në fshatin Gështenjas, shtetasi G. Y., 49 vjeç, duke punuar me mjet bujqësor, në tokën e tij, është dëmtuar në trup, dyshohet nga shpërthimi i një granate të vjetër që ndodhej në tokë. Shtetasi G. Y. po merr ndihmë mjekësore në spital dhe aktualisht është jashtë rrezikut për jetën”, njoftoi sot policia.
The post Pogradec/ Ishte duke punuar tokën, 49-vjeçari plagoset pas shpërthimit të një granate dore appeared first on GIJOTINA.
