Shorti për “Play-off-in” e Botërorit 2026/ Fati i buzëqesh Shqipërisë, kundërshtarë më të fortë për Kosovën

Zyrih, Zvicër – Shorti i hedhur sot në selinë e FIFA-s në Zyrih ka zbuluar rrugëtimin që do të ndjekin Shqipëria dhe Kosova drejt kualifikimit në Kupën e Botës 2026. Të dyja kombëtaret nisin rrugën e tyre të Play-off-it në transfertë.

Rrugëtimi I Shqipërisë 

Kombëtarja Kuqezi do të ketë një përballje të fortë që në gjysmëfinale, megjithatë mund të themi se goglat kanë rezevuar ndoshta kombinimin më të favorshëm të mundshëm.

• Gjysmëfinalja: Shqipëria do të luajë kundër Polonisë (nga Vazoja 2). Ndeshja luhet në Poloni.

• Finalja (Në Rast Kualifikimi): Fituesi i këtij çifti do të përballet me fituesin e gjysmëfinales tjetër: Ukrainë (Vazo 1) kundër Suedisë (Vazo 4).

Rrugëtimi I Kosovës 

Dardanët gjithashtu do të luajnë në transfertë ndaj një kundërshtari të vështirë nga Vazoja 2.

• Gjysmëfinalja: Kosova do të luajë kundër Sllovakisë (nga Vazoja 2). Ndeshja luhet në Sllovaki.

• Finalja (Në Rast Kualifikimi): Fituesi i këtij çifti do të përballet me fituesin e gjysmëfinales tjetër: Turqi (Vazo 1) kundër Rumanisë (Vazo 4).

Gjysmëfinalet (Ndeshje Teke): Luhen më 26 mars 2026.

Finalet (Vajtje-Ardhje): Luhen më 31 mars 2026.

Kjo është hera e parë që të dyja kombëtaret marrin pjesë në fazën Play-off të një Kampionati Botëror, duke shënuar një arritje historike për futbollin shqiptar.