Vullkani më i lartë aktiv në Evropë, Etna, ka filluar të nxjerrë lavë në një shpërthim të ri, spektakolar, por jo të rrezikshëm, në shpatet e sipërme të tij dhe për këtë arsye nuk përbën rrezik për fshatrat që ndodhen pranë vullkanit, tha sot vullkanologu Boris Benke.
“Rreth mesnatës së kësaj nate të Vitit të Ri, më 1 janar, sensorët termikë satelitorë filluan të matin anomalitë termike pranë Etnës, dhe në mëngjes imazhet satelitore treguan një rrjedhë të re lave që po formohej në pjesën e sipërme të Valle del Bova, poshtë kreshtës Serracozzo”, tha Behnke në një postim në Facebook, raporton ANAS.
Ai tha se lava nga vullkani në Siçili shpërthen nga hapja, e cila ndodhet në një lartësi prej rreth 2,100 metrash.
“Kështu filloi ky shpërthim anësor i heshtur, i cili shkakton një rrjedhë lave vërtet spektakolare, e cila, e parë nga shpati i poshtëm lindor i Etnës, duket tepër e ulët dhe afër fshatit”, tha Behnke.
Sipas tij, fillimi i shpërthimit nuk u pa nga banorët e Etnës dhe as nga kamerat, “sepse ana lindore ishte e mbuluar nga re të dendura”.
The post Shpërthim spektakolar i Etnës për Vitin e Ri, nuk ka rrezik për fshatrat përreth appeared first on Euronews Albania.
