Presidenti i Ukrainës, Volodymyr Zelenskyy ka emëruar ish-ministren e financave të Kanadasë, Chrystia Freeland, si këshilltare për zhvillimin ekonomik. Zelenskyy shprehet se ky është një veprim që do të ndihmojë në forcimin e qëndresës së brendshme të kombit të shkatërruar nga lufta.
“Chrystia është shumë e aftë në këto çështje dhe ka përvojë të gjerë në tërheqjen e investimeve dhe zbatimin e transformimeve ekonomike”, shkroi ai.
Sipas tij Ukraina duhet të forcojë qëndrueshmërinë e saj të brendshme për të rimëkëmbur Ukrainën si dhe për të përforcuar mbrojtjen.
Ky veprim vjen në mes të një riorganizimi të madh qeveritar në Kiev, ndërsa Zelenskyy zëvendëson disa figura kyçe. Presidenti ukrainas emëroi kreun popullor të inteligjencës ushtarake, Kyrylo Budanov, si shefin e tij të ri të stafit javën e kaluar.
Zelenskyy ka emëruar gjithashtu një numër këshilltarësh të rinj, përfshirë Freeland, të cilët flasin ukrainisht dhe kanë lidhje të thella me vendin. Freeland ka kohë që mbështet idenë që Ukraina të realizojë potencialin e saj ekonomik, i cili sipas saj ka mbetur i parealizuar pjesërisht për shkak të lidhjeve të saj historike me Rusinë.
The post Zelensky emëron ish-ministren kanadeze të financave, Chrystia Freeland si këshilltare ekonomike në Ukrainë appeared first on Euronews Albania.
