Pasditen e sotme një person ka qëlluar me armë zjarri në rrugën “Zahir Pajaziti” në Podujevë. Menjëherë është bërë e mundur edhe arrestimi i tij.
Në pamjet video të siguruara, shihet një person duke u larguar nga vendi i ngjarjes pasi kishte qëlluar me armë, teksa në dorë mbante një kallashnikov.
Lajmin për arrestimin e të dyshuarit e ka konfirmuar vetë zyrtarja për informim në Policinë Rajonale të Prishtinës, Flora Ahmeti.
Sipas saj, ngjarja ka ndodhur rreth orës 13:30, moment kur njësitë policore kanë pranuar informatën dhe kanë dalë menjëherë në vendin e ngjarjes
“Rreth orës 13:30 është raportuar për të shtëna me armë zjarri në rrugën ‘Zahir Pajaziti’ në Podujevë. Menjëherë pas marrjes së informatës, policia ka dalë në vendin e ngjarjes dhe ka arrestuar personin e dyshuar”, ka deklaruar Ahmeti.
The post Qëlloi në ajër me armë zjarri, arrestohet autori në Kosovë appeared first on Euronews Albania.
