Të hënën është mbyllur zyrtarisht merkato e transferimeve në ligat kryesore evropiane, aty ku shpenzohen më shumë para. Premier League nuk zhgënjen kur vjen puna te afrimi i lojtarëve dhe mbetet në krye të piramidës së shpenzimeve, me Manchester City-n që bëri dy goditje të rëndësishme në merkato. Lojtari më i shtrenjtë i transferuar në janar është Semenjo, i cili kaloi nga Bournemouth te Manchester City.
26-vjeçari i kushtoi “Cityzens” plot 72 milionë euro dhe ka pasur një impakt të drejtpërdrejt në ekip. Pas tij vjen Jorgen Strand Larsen, afrimi në ditën e fundit të merkatos i Crystal Palace, që kushtoi 50 milionë euro. Lucas Paqueta i dha lamtumirën Anglisë dhe u kthye në vendlindje, Brazil, te Flamengo, një lëvizje që kushtoi 42 milionë euro për mesfushorin 28-vjeçar. Conor Gallagher përforcoi mesfushën e Tottenham, ndërsa ekipi londinez shpenzoi 40 milionë euro, po aq sa përfitoi nga shitja e Brennan Johnson te Crystal Palace.
Sa i përket 10 transferimeve më të vlefshme të janarit, lista vijon me Lookman, që iu bashkua Atletico Madrid, Oscar Bobb nga Manchester City te Fulham, Meite që u transferua tek Al Hilal, si dhe Castellanos dhe Rayan.
The post Mbyllet merkatoja e janarit, Premier League rekord në transferime appeared first on Euronews Albania.
