Lindsey Vonn gati sa nuk humbi këmbën pas një aksidenti të rëndë në Lojërat Olimpike Dimërore. Ajo ka falënderuar mjekun që e shpëtoi nga amputimi.
Legjenda amerikane e skijimit i është nënshtruar disa operacioneve që kur theu këmbën në garën e zbritjes për femra në Itali më 8 shkurt.
Von tha se këmba e saj ishte “e copëtuar” dhe se kishte sindromën e ndarjes, një presion brenda një muskuli, i cili kufizon rrjedhjen e gjakut dhe se kirurgu kreu një operacion emergjent, për të lehtësuar presionin.
“Dr. Tom Hackett më shpëtoi këmbën, ai e shpëtoi nga amputimi”, tha ajo.
“Ai më preu të dyja anët e këmbës, në mënyrë që të mbetej e hapur dhe e la të merrte frymë, si të thuash. Ai më shpëtoi,” shtoi ajo.
Vonn, e cila u kthye në Shtetet e Bashkuara javën e kaluar pas katër operacioneve në Itali, tha se tani është larguar nga spitali dhe është transferuar në një hotel, duke e përshkruar këtë si një hap të madh.
Ajo shtoi se do të jetë në karrocë me rrota për një kohë. Vonn po garonte në Lojërat Olimpike në Cortina nëntë ditë pasi këputi ligamentet në gjurin e majtë kur goditi një portë 13 sekonda pas fillimit të vrapimit të saj në zbritje.
Ajo u nxor me helikopter nga pista dhe u diagnostikua me një frakturë komplekse të tibisë në këmbën e majtë.
Pasi u kthye në SHBA, Vonn shpjegoi se iu nënshtrua një operacioni rindërtues gjashtëorësh por gjithashtu kishte nevojë për transfuzion gjaku pasi kishte hemoglobinë të ulët për shkak të gjithë humbjes së gjakut dhe operacioneve.
Vonn tha se mund të duhet një vit që kockat e saj të shërohen, duke shtuar: “Pastaj do të vendos nëse dua ta heq të gjithë metalin apo jo, dhe pastaj do të kthehem në operacion dhe më në fund do të rregulloj ligamentin.
The post U dëmtua në Lojërat Olimpike Dimërore, Lindsey Vonn: Për pak sa nuk humba këmbën, doktori më shpëtoi appeared first on Euronews Albania.
