Tre vepra të rëndësishme evropiane të krijuara midis fundit të shekullit të 19-të dhe fillimit të shekullit të 20-të, janë vjedhur nga Fondacioni Magnani Rocca pranë qytetit italian të Parmës.
Pikturat vlerësohen në rreth 9 milionë euro.
Sipas autoriteteve italiane, katër burra të maskuar hynë me forcë në vilë më 22 mars dhe vetëm në tre minuta arritën të hiqnin tre vepra të rëndësishme arti nga e ashtuquajtura “Dhoma Franceze”.
Midis veprave të hequra ishin “Peshqit” e Pierre-Auguste Renoir, pikturuar rreth vitit 1917; “Natyrë e qetë me qershi ” e Paul Cézanne, një vepër e vitit 1890 dhe “Odaliska në Tarracë ” e Henri Matisse, krijuar në vitin 1922.
Piktura e Renoir konsiderohet më e vlefshmja, me një vlerë të vlerësuar që arrin në 6 milionë euro. Autoritetet po hetojnë mundësinë e krimit të organizuar, pasi autorët duket se kanë synuar vepra me vlerë të lartë nga koleksioni.
Hetimi është ndërmarrë nga një njësi speciale e Karabinierëve për mbrojtjen e trashëgimisë kulturore.
Vjedhja e pikturave shton shqetësimet në lidhje me sigurinë e thesareve kulturore në nivel ndërkombëtar, veçanërisht pas grabitjes që ndodhi në Muzeun e Luvrit në Paris më 19 tetor 2025.
Clamoroso furto nel Parmense
Tre opere di enorme valore sono state rubate dalla Fondazione Magnani Rocca di Mamiano: "Les Poissons" di Renoir, "Natura morta con ciliegie" di Cézanne e "Odalisca sulla terrazza" di Matisse. Il colpo risale alla notte tra il 22 e il 23 marzo e… pic.twitter.com/r5i02nhh86
— La Sicilia (@lasicilia) March 29, 2026
The post Vidhen 3 piktura me vlerë nga fondacioni Magnani Rocca në Parma, autorët vepruan për 3 minuta! Nisin hetimet appeared first on Euronews Albania.
