Të gjithë subjektet në sektorin e turizmit, që kryejnë shitje me para në dorë janë të detyruar që brenda datës 30 maj të pajisen me POS/POI, që mundëson pagesat me kartë bankare. Drejtoria e Përgjithshme e Tatimeve ka rikujtuar nëpërmjet një njoftimi të gjithë këta tatimpagues që të marrin masat për respektimin e këtij detyrimi ligjor. Në të kundërt, do të merren masa administrative.
NJOFTIMI I PLOTË I ADMINISTRATËS TATIMORE
Administrata Tatimore njofton se brenda datës 30 maj 2026, janë të detyruar të pajisen me POS/POI në çdo pikë shitjeje të gjithë tatimpaguesit që kryejnë shitje me para në dorë dhe ushtrojnë aktivitet si:
- Struktura akomoduese (bujtina, bllok apartamentesh, motel, fjetje dhe mëngjes, hotel, hotel i shpërndarë, resort dhe strukturë akomoduese e trashëgimisë kulturore);
-
Shërbime në sektorin e transportit;
-
Institucione publike dhe shoqëri publike me kapital shtetëror;
Përdorimi i pajisjeve POS/POI bën të mundur:
- ofrimin e një shërbimi më cilësor, më të shpejtë dhe më të përshtatshëm;
-
lehtësimin e pagesave nga klientët;
-
rritjen e transparencës në transaksione;
-
mbështetjen e formalizimit dhe fuqizimit të sektorit turistik.
Administrata Tatimore u bën thirrje të gjithë tatimpaguesve të marrin masat e nevojshme për respektimin e këtij detyrimi ligjor brenda afatit të përcaktuar, për të shmangur masat administrative.
The post Tatimet kujtojnë bizneset në turizëm: 30 maji, afati për vendosjen e POS/POI për pagesat me kartë bankare appeared first on Fast News Economy.
