Komisionarja për Zgjerim e Bashkimit Evropian, Marta Kos përmes një postimi në “X” ka zbuluar detaje nga vizita e saj në Athinë ku zhvilloi disa takime. Mes takimeve që zhvilloi ishte edhe me kryeministrin grek, Kyriakos Mitsotakis.
Kos thekson se diskutuan diskutova zhvillimet e fundit të cilat i cilësoi pozitive në Mal të Zi, Shqipëri, Ukrainë, Moldavi, si dhe rrugën drejt BE-së për Ballkanin Perëndimor.
“Ju faleminderit shumë. Greqia është një partner i rëndësishëm në zgjerimin e BE-së, në kufi me disa vende kandidate. Në Athinë me kryeministrin, Mitsotakis diskutova zhvillimet e fundit pozitive në Mal të Zi, Shqipëri, Ukrainë, Moldavi, si dhe rrugën më të gjerë drejt BE-së për Ballkanin Perëndimor.
Gjithashtu u takova Giorgos Gerapetritis këtu. Qeveria greke është shumë e angazhuar në procesin e zgjerimit, veçanërisht në Ballkanin Perëndimor, dhe do të luajë një rol vendimtar në nxitjen e progresit gjatë Presidencës së saj të Këshillit në një moment të rëndësishëm vitin e ardhshëm.
Gjithashtu folëm për hapat e mundshëm për të vazhduar ndërtimin e besimit midis Turqisë dhe të gjitha Shteteve Anëtare të BE-së, veçanërisht Qipros”, shkruan Kos.
The post Kos pas takimit me Mitsotakis: Greqia e angazhuar për rrugën e Ballkanit Perëndimor drejt BE-së appeared first on Euronews Albania.
