Dy persona u vranë dhe tre të tjerë u plagosën rëndë në një sulm të armatosur që ndodhi të hënën në Nice të Francës.
Sipas informacioneve, dy persona që udhëtonin në një automjet hapën zjarr në sheshin qendror të zonës duke plagosur 11 persona. Pas të shtënave, autorët e krimit braktisën vendin e ngjarjes dhe ikën me vrap.
Të shtënat shkaktuan një mobilizim të madh të autoriteteve, ndërsa të gjitha shkollat në zonë u vunë përkohësisht në mbyllje për arsye sigurie.
Në një postim në platformën X, kryebashkiaku i Nicës, Eric Ciotti, i cili shkoi në vendin e sulmit, njoftoi për një shkëmbim të tmerrshëm të të shtënave me armë në qytet.
Siç është vënë re nga mediat franceze, kjo është hera e tretë brenda katër ditësh që kanë ndodhur të shtëna me armë në qytet.
The post Të shtëna me armë në Francë, 2 viktima dhe disa të plagosur në Nice! Arratisen autorët appeared first on Euronews Albania.
