Aktori neozelandez Sam Neill ka ndërruar jetë në moshën 78-vjeçare. Ylli i kinematografisë botërore, i njohur për rolet e tij në filma si “Jurassic Park” dhe “The Piano”, ndërroi jetë të hënën në Sydney të Australisë, i rrethuar nga familja e tij.
Lajmi u bë i ditur përmes një deklarate të publikuar në llogarinë zyrtare të aktorit në Instagram. Familja e tij njoftoi se vdekja ishte e papritur, ndërsa theksoi se Neill u nda nga jeta me dinjitetin që e kishte karakterizuar gjatë gjithë jetës së tij. Në deklaratë nuk u bë i ditur shkaku i vdekjes, por aktori kishte folur më herët publikisht për betejën e tij me një formë të rrallë të kancerit të gjakut.
Në vitin 2022, Sam Neill u diagnostikua me limfomë angioimunoblastike të qelizave T në fazën e tretë. Në prill të këtij viti, ai kishte ndarë lajme të mira për gjendjen e tij shëndetësore, duke bërë të ditur se e kishte kapërcyer sëmundjen pas një trajtimi të avancuar me terapi CAR-T.
Në një intervistë për rrjetin australian “7News”, aktori tregoi se kimioterapia kishte humbur efektivitetin dhe se ai ishte përfshirë në një provë klinike me qeliza T CAR, një formë imunoterapie për pacientët me kancer të gjakut. “Sapo bëra një test dhe nuk kam kancer në trupin tim, gjë që është vërtet e mahnitshme”, ishte shprehur Neill, duke shtuar me humor: “Është koha që unë të bëj një film tjetër”.
Sam Neill la pas një karrierë disa dekadëshe në film dhe televizion, duke u bërë një nga aktorët më të njohur të Zelandës së Re. Ai fitoi famë ndërkombëtare me rolin e doktor Alan Grant në “Jurassic Park”, ndërsa luajti gjithashtu në filmin fitues të çmimit Oscar “The Piano” dhe në shumë produksione të tjera të suksesshme.
Sam Neill has sadly passed away at the age of 78. pic.twitter.com/r3DReNQ9B7
— MCU Film News (@MCUFilmNews) July 13, 2026
The post Humb jetën aktori i famshëm Sam Neill, interpretoi doktor Alan Grant në “Jurassic Park” appeared first on Euronews Albania.
