Papa Leo shprehu të mërkurën, trishtimin e tij për kushtet që përjetojnë fëmijët migrantë ose refugjatë dhe bëri thirrje për veprime ndërkombëtare për të mbrojtur të rinjtë që largohen nga atdheu i tyre në kërkim të sigurisë.
“Fëmijët emigrantë shpesh përjetojnë vuajtje të papërshkrueshme, dhunë, tortura, shfrytëzim dhe kushte traumatike”, tha Papa para mijëra besimtarëve në Sheshin e Shën Pjetrit në predikimin e tij javor.
“I bëj thirrje të gjithëve për ndjenjën e përgjegjësisë. Le të ndiejë çdo person se merr pjesë në jetën e këtyre të rinjve që duhet të gëzojnë gjithmonë mbrojtje dhe ndihmë”, theksoi ai.
Leo, Papa i parë amerikan, shpesh ka bërë thirrje për trajtim më të mirë të emigrantëve dhe vitin e kaluar kritikoi politikat e ashpra të Trump ndaj emigrantëve.
Në prill, Papa tha se migrantët shpesh trajtohen “më keq se kafshët shtëpiake”.
Leo nuk përmendi vende specifike. Siç pretendoi ai, ai po bën një apel në kuadër të Ditës Botërore të Migrantëve dhe Refugjatëve të Kishës Katolike, e cila këtë vit festohet të dielën e ardhshme.
The post Papa Leo bën thirrje për veprim ndërkombëtar për të ndihmuar fëmijët emigrantë appeared first on Euronews Albania.
