Edhe pse sezoni është ende në zhvillim, Kombëtarja e Spanjës ka nisur përgatitjet për Kupa e Botës 2026, duke finalizuar kalendarin e ndeshjeve miqësore para turneut.
Skuadra e drejtuar nga Luis de la Fuente do të përballet fillimisht me Irakun më 4 qershor në stadiumin “Riazor”. Më pas, më 8 qershor, spanjollët do të udhëtojnë drejt Meksikës për t’u ndeshur me Perunë në qytetin Puebla. Këto takime vijnë përveç finales së parashikuar ndaj Argjentinës më 27 mars në Katar.
Plani parashikon që grumbullimi i ekipit të nisë në javën e fundit të majit, menjëherë pas përfundimit të sezonit të La Liga më 24 maj. Lojtarët që do të angazhohen në finalen e Ligës së Kampionëve do t’i bashkohen skuadrës në një fazë të dytë.
Gjatë qëndrimit në Shtetet e Bashkuara, Spanja do të vendoset në Chattanooga, Tennessee. Skuadra ka zgjedhur hotelin Embassy Suites by Hilton Chattanooga Downtown si bazë operative, ndërsa seancat stërvitore do të zhvillohen në ambientet e shkollës Baylor, që do të shërbejnë si qendra e përgatitjeve të tyre, të paktën për fazën e parë të turneut.
The post Spanja zyrtarizon miqësoret para Botërorit 2026, grumbullimi nis në fund të majit appeared first on Euronews Albania.
