Tregu i transferimeve ka nisur të gjallërohet me spekulime për lëvizjet e verës, ku një nga emrat më të përfolur është Enzo Fernandez. Mesfushori argjentinas është lidhur së fundmi me një kalim të mundshëm te Real Madridi, por vetë lojtari ka vendosur të sqarojë situatën.
Në një intervistë për mediat argjentinase, ylli i Chelseat ka mohuar kategorikisht zërat për një transferim në Spanjë. Ai theksoi se nuk ka asnjë negociatë apo diskutim me klubin madrilen dhe se fokusi i tij mbetet te skuadra londineze.
“Real Madrid? Nuk ka asgjë. Jam i përqendruar te Chelsea dhe ndeshjet e mbetura të sezonit. Më pas do të shohim pas Kupës së Botës”, u shpreh Fernandez.
Mesfushori synon të mbyllë sezonin në Premier League në mënyrën më të mirë të mundshme, ndërsa një tjetër objektiv madhor mbetet Kupa e Botës, ku do të kërkojë të japë maksimumin me Argjentinën. Vetëm pas këtij kompeticioni pritet të ketë zhvillime të reja mbi të ardhmen e tij.
The post Enzo Fernandez mohon interesin e Real Madridit: “Jam i fokusuar te Chelsea” appeared first on Euronews Albania.
