Lexoje këtu nëse e ke me ngut!
Britney Spears duket se po feston dashurinë për veten në postimin e saj të fundit në rrjetet sociale. Të dielën, më 20 tetor, artistja 42-vjeçare publikoi një video në Instagram ku shfaqej me një fustan nusërie dhe u tha ndjekësve të saj se ishte “martuar me veten.”
“Dita që u martova me veten…Po e sjell përsëri sepse mund të duket e sikletshme ose e çuditshme, por mendoj se është gjëja më brilante që kam bërë ndonjëherë!”, shkroi ajo në postimin e saj.
View this post on Instagram
Postimet e fundit të Britney-t mbi dashurinë për veten dhe jetën kanë ardhur duke u shtuar pas vendimit të divorcit të saj nga ish-bashkëshorti Sam Asghari më 2 maj të këtij viti. Njoftimi për ndarjen e çiftit u bë publik në gusht 2023.
Çifti, që u lidh në fund të vitit 2016 dhe u martua më 9 qershor 2022, do të shpallet zyrtarisht i ndarë më 2 dhjetor 2024, pasi ligji i Kalifornisë kërkon një periudhë pritjeje prej së paku gjashtë muajsh nga vendimi./E.Ç
