Lexoje këtu nëse e ke me ngut!
Një mafioz italian i arratisur, i cili shërbente si ndërmjetës me bandat kolumbiane të drogës është arrestuar pas gati 4 vitesh në arrati në Amerikën e Jugut. Luigi Belvedere, një nga njerëzit më të kërkuar në Itali, u gjurmua në qytetin kolumbian të Medellín, i njohur për kartelin e bosit famëkeq të drogës Pablo Escobar.
Policia italiane publikoi një imazh të Belvedere duke pozuar pranë varrit të Escobar kur njoftoi arrestimin e tij. Pavarësisht se u arratis nga Evropa për t’iu shmangur akuzave për trafikim, ai vazhdoi të ishte “aktiv në organizimin e dërgesave të drogës nga Amerika e Jugut në Evropë”, tha policia.
Belvedere, që besohet të jetë rreth 32 vjeç, ishte në listën e qeverisë italiane të të arratisurve më të rrezikshëm. Me origjinë nga Caserta, në veri të Napolit, ai ishte “i specializuar në importimin e paligjshëm të kokainës” dhe shërbeu si një pikë kyçe kontakti midis klaneve mafioze dhe prodhuesve kolumbianë të kokainës, tha policia italiane në një deklaratë të premten.
Në Itali ai punoi me grupin e Casalesi, të cilët janë pjesë e organizatës famëkeqe të tipit mafioz Camorra. Belvedere ishte në arrati që nga dhjetori 2020, kur u dënua me gati 19 vjet për trafik ndërkombëtar droge. Europol, organi policor i BE-së, punoi së bashku me hetuesit kolumbianë për të gjurmuar Belvedere në Medellín.
Qyteti ka një histori të gjatë me bandat e kokainës, duke shërbyer si bazë për kartelin Medellín, operacionin famëkeq të drogës të Pablo Escobar. E themeluar në vitet 1970, ajo furnizonte rreth 80% të tregut global të kokainës në kulmin e tij. Operacioni i Escobar ishte aq i sofistikuar sa e gjeti veten në listën e miliarderëve globalë të Forbes për 7 vjet, përpara se të qëllohej për vdekje nga policia në 1993.
Policia italiane publikoi një foto të Belvedere-s duke u ulur pranë varrit të Escobar. Imazhi të kujton një foto të vetë Escobar-it, i cili ka pozuar në mënyrë të famshme përpara Shtëpisë së Bardhë në Uashington DC teksa ende mbikëqyrte kartelin e Medellín. ©LAPSI.al
The post Bëri foto tek varri i Pablo Escobar, arrestohet bosi i mafias italiane appeared first on Lapsi.al.
