Lexoje këtu nëse e ke me ngut!
Dy barazime 1-1 në Korçë dhe Elbasan, në pritje të kryendeshjes së javës së 10 të Superiores në Shkodër. Tirana merr barazimin e 8, një rekord, duke u ndalur 1-1 përballë Laçit. Jarmouni i bëri të gjitha vetë në ndeshjen e luajtur në Korçë: i dha avantazhin bardhebluve në pjesën e parë dhe në shtesë shënoi në portën e tij, duke evituar humbjen e parë për teknikun Moriero. Rezultat i njëjtë edhe në Elbasan, ku vendasit ndalën Skënderbeun, që luajti për shumë minuta me 10 lojtarë.
TIRANA 1-1 LAÇI
Tirana dhe Laçi ndanë nga një pikë pas një barazimi dramatik në përballjen e zhvilluar në Korçë. Ndeshja ishte e qetë dhe pa shumë intensitet, me të dyja skuadrat që duket se ishin më të përqendruara për të shmangur gabimet në mbrojtje sesa për të kërkuar me ngulm sulmin.
Tirana krijoi disa mundësi të mira në pjesën e parë dhe arriti të gjejë rrjetën me një gol të franko-marokenit Jarmouni. Në pjesën e dytë, bardheblutë synuan të ruanin avantazhin dhe i lanë më shumë hapësirë Laçit, që filloi të kërkonte golin e barazimit.
Kurbinasit dukeshin të pafuqishëm për të shënuar, por fati ishte në anën e tyre, pasi në minutën e fundit të kohës shtesë, Jarmouni preku topin aksidentalisht pranë portës, duke shënuar një autogol që e vulosi ndeshjen me rezultatin përfundimtar 1-1.
ELBASANI 1-1 SKËNDERBEU
Elbasani dhe Skënderbeu ndanë pikët në një përballje interesante, e vlefshme për javën e 10-të të Kategorisë Superiore.
Ndeshja u zhbllokua në minutën e 29-të nga Rashica, i cili shënoi një gol të bukur nga distanca. Pak para përfundimit të pjesës së parë, korçarët mbetën me një lojtar më pak, pasi kapiteni Prençi mori karton të kuq. Kur dukej se Elbasani do të siguronte fitoren, Ze Gomes shënoi golin e barazimit, duke mbyllur pjesën e parë me rezultatin 1-1.
Në pjesën e dytë, portieri i Skënderbeut, Alia, u bë heroi i ndeshjes, duke kryer disa pritje vendimtare dhe duke ndihmuar skuadrën e tij të mos pësonte gol. Kështu, Skënderbeu arriti të sigurojë një pikë të vlefshme kundër Elbasanit.
The post Video/ Jarmouni, gol e autogol, Tiranës i ikën fitorja në shtesë: ndalet Elbasani appeared first on Lapsi.al.
