Lexoje këtu nëse e ke me ngut!
Ditën e sotme do të mbahet seanca e gjyqsorë për fëmijët e të ndjerit Pëllumb Meta. Bëhet me dije se, Prokuroria e Durrësit përfundon hetimet dhe dorëzon për gjykim dosjen penale për Hysen, Hygerta dhe Amarildo Metën.
Për Hygerta Metën dhe vëllain Hyseni është ngritur akuza e vrasjes me paramendim, ndërsa për Amarildo Metën vetëm akuzë për asgjësimin e kufomës.
Teksa sot do të nisë procesi gjyqësor në ngarkim të tre fëmijëve, organi akuzës bën me dije se për 19-vjeçaren ka ndryshuar akuzë nga: fshehja dhe asgjësimi i kufomës, në vrasje për shkak të marrëdhënieve familjare, duke rënduar kështu pozitat proceduriale të shtetases Hygerta Meta dhe duke e dërguar në gjykim me një akuzë të re për vrasje në bashkëpunim me vëllain e saj Hysen Meta për “vrasje për shkak të marrëdhënieve familjare”.
Kujtojmë që Hygerta Meta ka ndryshuar disa herë versionin e saj, ku disa herë e ka marrë përsipër vrasjen dhe disa herë duke e përjashtuar veten nga përfshirja në ekzekutimin e babait të saj, por vetëm në fshehjen dhe asgjësimin e kufomës.
The post Vranë babain, nis sot procesi gjyqësor ndaj tre fëmijëve të Pëllumb Metës, akuzat me të cilat përballen appeared first on GIJOTINA.
