Lexoje këtu nëse e ke me ngut!
Danimarka, Franca dhe Gjermania kanë bërë thirrje për ngritjen e qendrave të jashtme për të përpunuar kërkesat për azil dhe për të lehtësuar dëbimin e emigrantëve të paligjshëm në Evropë. Kjo është ajo që po përpiqet të bëjë Italia me qendrat në Shqipëri.
Një takim joformal i Këshillit të Çështjeve të Brendshme të BE-së në Kopenhagen është një nga aktivitetet e para të mandatit të Danimarkës si Presidente e Këshillit Evropian është parë si një mundësi për ministrat e brendshëm për të adresuar çështjen e imigracionit dhe, në veçanti, riatdhesimin. Kjo është një shprehje që kryeministrja daneze Mette Frederiksen e kishte përcaktuar që kur mori detyrën, kur tha se “njerëzit që vijnë nga jashtë, kryejnë krime të rënda dhe nuk respektojnë mënyrën tonë të jetesës nuk kanë vend në Evropë dhe duhet të dëbohen”.
Ministri i saj i Imigracionit, Kaare Dybvad Bek tha sapo mbërriti në takimin e Kopenhagenit “sistemi evropian i azilit është në krizë. Ne kemi nevojë për zgjidhje inovative”. Presioni i fortë i ushtruar në kufijtë lindorë dhe jugorë kërkon zgjidhje të reja për të “riatdhesuar njerëzit më shpejt. Ne duhet të gjejmë zgjidhje inovative dhe marrëveshje të reja me vendet jashtë Bashkimit Evropian”.
Pakti Itali-Shqipëri lëviz pikërisht në këtë drejtim dhe pavarësisht se kundërshtohet fort nga partitë e opozitës dhe gjykatat italiane, jashtë kufijve të Italisë ai po tërheq interes në vendet që do të donin ta kopjonin sepse konsiderohet sistemi më i mirë aktual për të filluar zgjidhjen e problemit, megjithëse me disa modifikime formale.
Ajo që Kaare Dybvad Bek mbështet janë CPR-të e jashtme, të cilat janë ato që Italia do të donte që të bëheshin qendrat në Shqipëri. Ministri danez theksoi se “duke zbatuar riatdhesime të shpejta, duke siguruar që njerëzit pa qëndrim të ligjshëm të kthehen në vendin e tyre të origjinës, por edhe duke përpunuar kërkesat për azil jashtë BE”.
Ai shtoi se në Gjermani jetojnë “300,000 njerëz të cilëve u është refuzuar kërkesa për azil, dhe këta njerëz duhet të riatdhesohen. Mendoj se ka shembuj të shkëlqyer të outsourcing-ut dhe marrëveshjeve individuale, por sigurisht që duhet të krijojmë modelin tonë evropian për këto zgjidhje”.
Vetë Ministri i Brendshëm gjerman Alexander Dobrindt, kur mbërriti në Kopenhagen mbështeti qendrat e riatdhesimit sepse “ne e konsiderojmë këtë një qasje inovative absolutisht të nevojshme” dhe “kjo kërkon bashkëpunimin e vendeve partnere”.
Marrëveshjet e këtij lloji, si ajo italo-shqiptare, shtoi Dobrindt, janë shumë të vështira për t’u zbatuar nga shtetet anëtare individuale, “ne e kemi parë tashmë këtë në disa raste në të kaluarën”. Megjithatë, “ekziston edhe mundësia e kontrollit të situatës në nivel evropian dhe kështu të kemi mundësi zbatimi dukshëm më të mira”.
Ministri i Brendshëm francez, Bruno Reitailleau, e konfirmoi gjithashtu këtë zgjidhje: “Franca ka pengesa kushtetuese, por ne nuk kemi asnjë kur bëhet fjalë për qendrat e riatdhesimit. Dhe unë jam në favor të çdo gjëje që i bën riatdhesimet më efektive”. ©LAPSI.al
The post Franca, Gjermania dhe Danimarka mbështesin modelin e Gjadrit për emigrantët appeared first on Lapsi.al.
