Lexoje këtu nëse e ke me ngut!
Kreu i Komisionit Qëndror të Zgjedhjeve ka deklaruar sot se përgatitjet për zgjedhjet në Tiranë më 9 nëntor janë ndërprerë pas vendimit të Gjykatës Kushtetuese. Në një dalje për mediat, Celibashi ka deklaruar se nëse përgatitjet për zgjedhjet do të vazhdonin, do të ishte shkelje e rëndë e Kushtetutës.
“Është pezulluar që ditën e djeshme. Në datën 9 nëntor është e sigurt që do të zhvillohen zgjedhjet për 5 bashkitë te tjera përjashto bashkinë e Tiranë”, tha ai.
Gjykata Kushtetuese ka pezulluar ditën e djeshme dekretin e Presidentit Bajram Begaj për zgjedhjet e pjesshme në Tiranë. Vendimi i Kushtetueses ka ardhur pasi, Erion Veliaj ankimoi vendimin e shkarkimit të tij si kryebashkiak i Tiranës si dhe dekretin e Begajt për zgjedhjet.
Begaj dekretoi datën 9 nëntor për zgjedhjet e pjesshme në 6 Bashki, përfshi dhe Tiranën. Dekretimi i Begajt për zgjedhjet në Tiranë erdhi një ditë pasi Kushtetuesja e quajti procesin të pezulluar. Ndërsa më 2 Tetor, avokatët e Veliajt depozituan në Kushtetuese një ankim ndaj dekretit të Presidentit të Republikës, që shpalli vakancën në Bashkinë e Tiranës dhe vendosi datën e zgjedhjeve të pjesshme.
Tashmë Bashkitë që do të hyjnë në zgjedhje të parakohshme janë Vlora, Berati, Mati, Cërriku dhe Tepelena.
The post Kushtetuesja pezulloi dekretin e Begajt, kreu i KQZ: Kemi ndërprerë përgatitjet për zgjedhjet në Tiranë appeared first on GIJOTINA.
