Lexoje këtu nëse e ke me ngut!
Zbardhen detaje të reja nga atentati i ndodhur pranë aeroportit të Rinasit, ku autorët e ngjarjes u larguan pas një sulmi me armë zjarri dhe dogjën makinën që përdorën për arratisje.
Sot janë publikuar pamjet e makinës së djegur, të cilën policia e ka sekuestruar si provë kyçe në hetimin e ngjarjes. Burime nga grupi hetimor bëjnë me dije se dyshohet se në këtë rast janë përfshirë 4 persona, që mund të kenë vepruar në koordinim.
Hetimet vijojnë nën drejtimin e Prokurorisë së Tiranës, ndërsa forcat e rendit po analizojnë pamjet e sigurisë, gjurmët në vendngjarje dhe armët e gjetura, për të identifikuar dhe arrestuar të gjithë të përfshirët.
Policia nuk ka dhënë ende detaje për identitetin e autorëve, ndërsa grupet hetimore po shqyrtojnë pistën e hakmarrjes dhe të lidhjeve me grupe kriminale të organizuara.
Publikimi i fotove të makinës synon të ndihmojë edhe qytetarët që mund të kenë informacion rreth ngjarjes dhe të bashkëpunojnë me organet e rendit.
gijotina.com/
The post Atentati në Rinas/ Del fotoja e makinës së djegur të autorëve, dyshohet për 4 bashkëpunëtorë appeared first on GIJOTINA.
