Lexoje këtu nëse e ke me ngut!
Kim Kardashian ka dokumentuar realitetin e përgatitjes për provimin e avokatisë në Kaliforni, duke ndarë me ndjekësit e saj momentet më të vështira dhe emocionale të këtij procesi.
Në një video të sinqertë të postuar në Instagram, ylli i “The Kardashians”, 45 vjeç, tregoi çastet stresuese para provimit vendimtar që do të përcaktonte nëse ajo do të bëhej avokate edhe pse më herët kishte zbuluar se nuk e kishte kaluar testin.
“Kam ndarë kaq shumë nga ky udhëtim me ju, dhe këtë verë kam dokumentuar dy javët e fundit të studimit ngritjet, uljet dhe gjithçka mes tyre,” shkroi Kardashian në mbishkrim. “Më 7 nëntor mësova se nuk e kalova provimin. Ishte zhgënjyese, por nuk ishte fundi. Ky ëndërr ka shumë rëndësi për mua për t’u dorëzuar, ndaj do të vazhdoj të studioj, të mësoj dhe të punoj me veten deri sa të arrij atje.”
Videoja nis me Kardashian ulur në shtrat duke qarë, e më pas rikthehet dy javë para provimit. Në klipet që pasojnë, ajo tregon se sa shumë punë dhe përkushtim kërkoi përgatitja për provimin, i cili përfshin pesë ese një-orëshe, një test performance 90-minutësh dhe 200 pyetje me alternativa./MXH
