Lexoje këtu nëse e ke me ngut!
Fiksimi me unazat e fejesave të personazheve të famshëm është plotësisht i justifikuar! Nga prerjet, te madhësitë e gurëve dhe deri te kostot marramendëse, duam të dimë çdo detaj dhe 2025 ka qenë një vit plot diamante gjigante. Viti nisi me unazën klasike të Zendaya-s, vazhduam me gurin e jashtëzakonshëm të Georgina-s dhe e mbyllëm me unazën moderne të Miley Cyrus. Dhe mes tyre? Plot surpriza vezulluese.
Meqë po i afrohemi fundvitit, rikthehemi te unazat më të mëdha, më të shtrenjta dhe më të komentuara të 2025-ës. Sepse kurrë nuk i dihet, mund të dalë edhe një tjetër para se të mbyllet viti.
Taylor Swift
Taylor dhe Travis Kelce u fejuan në gusht, me një diamant të madh të prerjes vintage, të rrumbullakosur në cepa dhe të vendosur në ar të verdhë.
Përmasa: rreth 8 karatë
Kostoja: 750 mijë – 1 milion euro
Zendaya
Zendaya e konfirmoi fejesën me Tom Holland disa muaj pas Golden Globes, ku shfaqi unazën e saj me diamant, vendosur horizontalisht në ar të pastër.
Përmasa: 5 karatë
Kostoja: 280–300 mijë euro
Dua Lipa
Pas shumë muajsh thashetheme, u mësua se unaza me diamant të rrumbullakët në një unazë të trashë ari ishte ajo e fejesës me Callum Turner.
Përmasa: 2 karatë
Kostoja: 65–125 mijë euro
Winnie Harlow
Modelja u fejua në shkurt me një diamant në formë veze dhe dy gurë anësorë, e dizenjuar nga partneri i saj, Kyle Kuzma.
Përmasa: 8.5 karatë
Kostoja: 150–300 mijë euro
Miley Cyrus
Pas katër vitesh lidhje, partneri i saj i kërkoi dorën me një diamant në ar të verdhë.
Përmasa: 4–5 karatë
Kostoja: 300–450 mijë euro
Georgina Rodriguez
Kur tregoi unazën e fejesës nga Cristiano Ronaldo-n, interneti “u çmend”: diamant gjigant me dy diamante më të vogla anash.
Përmasa: 30–35 karatë
Kostoja: 2–5 milionë euro /KM
