Në 2024-ën, Jurgen Klopp u tërhoq nga puna si trajner futbolli, ku pas aventurës me Liverpool vendosi të mos vijojë më këtë pasion. Gjermani u punësua si drejtues i lartë sportive i Red Bull, ndërsa ka shprehur shpeshherë se ndihet i lumtur me postin aktual, duke konfirmuar se nuk e ka marrë malli për trajningun.
Kjo nuk dihet sa e vërtetë është, pasi gjatë orëve të fundit prapaskena për një emërim të tij në krye të Real Madrid janë shfaqur, ku gjermani ka nisur bisedimet me galaktikët, madje duke vendosur dhe disa kushte.
Si askush tjetër më herët, 58-vjecari ka kërkuar që të ketë kontroll të plotë mbi ekipin e parë, jo vetëm në dhomat e zhveshjes, por dhe në bërjen e merkatos, ku kërkon t’i plotësohet çdo dëshirë. Në rast se dakordësohet me drejtuesit, atëherë mund të kemi një rikthim të tij në aktivitet. Këto prapaskena nuk dihet se sat ë vërteta janë, por kanë qarkulluar me shpejtësi në mediat spanjolle, ndërsa nuk ka pasur asnjë përgënjeshtrim nga palët e përfshira.
Më herët Klopp pohoi se nuk do të marrë drejtimin e asnjë skuadre, madje as të Realit, por ky qëndrim i tij mund të ndryshojë shpejt.
The post Klopp mund të rikthehet të trajnojë, bisedime të fshehta me Real Madrid appeared first on Euronews Albania.
